Wa’t ea in slok frysk bier nommen hat, wit dat it mear is as allinnich in drankje – it is in stikje Fryske identiteit. Fan de gloaiïngen by de Wâldpiken oant de waadrâne fan Harns: Fryslân brouwt syn eigen bier mei karakter, skerpens én siel. En lit ús earlik wêze: as der ien manier is om in Hollanner of in Brabanner te oertsjûgjen fan ‘e kwaliteit fan ús provinsje, dan is it wol mei in kâld glês Frysk bier.
In bier mei karakter – krekt as de Friezen sels
It sil gjin ferrassing wêze: wy Friezen hawwe ús eigen manier fan dwaan. Dat jildt net allinnich foar ús taal en ús skiednis, mar ek foar ús bier. Wylst oaren foar massaproduksje geane, kieze Fryske brouwerijen faak foar lyts, ambachtlik en mei leafde makke bier. Oft it no giet om in stevige tripel fan Kâld Kletske, in IPA fan Brouwerij Bjuster of in stoere stout út de Fryske Wâlden – it binne bieren dy’t steane foar harren roots.
Fryslân op ‘e kaart, slok foar slok
It moaie fan frysk bier is dat it in perfekte ambassadeur is foar de provinsje. Lit minsken bûten Fryslân mar ris priuwe wat wy te bieden hawwe: gjin praatjes, mar kwaliteit. Organisearje in bierproeverij, nim in kratje mei nei dyn freonen yn de rest fan it lân, of jou it kado oan in net-Fries dy’t noch net oertsjûge is fan ús eigen wûnderlike wrâld. Gjin bettere manier om it iis te brekken (en de foarûnderstellingen!) as mei in glês Frysk bier yn de hân.
Wêr fynst it bêste Frysk bier?
Fryslân telt hieltyd mear ambachtlike brouwerijen. Fan Snits oant Dokkum en fan It Hearrenfean oant Ljouwert: der komt hieltyd mear kreativiteit út ‘e ketel. Besykje in lokale bierwinkel, in streekmerk of gean gewoan ris op ‘brouwerijtoer’. En fansels kinne je online ek hiel wat lekkers fine.
Frysk bier is net allinnich lekker – it is in ferhaal. In manier om sjen te litten wêr’t wy foar steane: earlik, eigenwiis en fol smaak. Dus de folgjende kear datsto dy ôfgiest: “Wat sil ik jûn ris drinke?” – tink dan oan Fryslân. En nim in slok op ús.